भारतीय जनता पार्टीसाठी यंदाच्या महापालिका आणि स्थानिक स्वराज्य संस्थांच्या निवडणुका अनेक अर्थाने वेगळ्या आहेत. समाजातील सर्व स्तरांतून लोकांचा पक्षाकडे ओघ वाढला आहे. अन्य राजकीय पक्षच नव्हे तर सामाजिक संघटना आणि अगदी राजकारणापासूत दूर राहिलेली मंडळीसुद्धा भाजपात येत आहेत.पंतप्रधान नरेंद्र मोदी आणि मुख्यमंत्री देवेंद्र फडणवीस यांनी जी विकासाची दिशा पकडली आहे त्यात स्वत:चा स्वारीचा बाटा उचलण्याच्या उद्देशाने पक्षात लोक दाखल होत आहेत. त्यामुळे साहजिकच काल जिथे 'आप' च्या कडे उमेदवारही नव्हता अशा ठिकाणी मोठ्या प्रमाणावर इच्छुक तयार झाले आहेत.

इच्छुकांची संख्या वाढली तरी जागा मात्र तितक्‍याच असतात. उमेदवारी एकालाच द्यावी लागते. मुंबईतच 227 जागांसाठी अडीच हजारांहून अधिक जणांनी निवडणूक लढविण्याची इच्छा व्यक्त केली होती. मात्र, उमेदवार निवडीची भाजपाची प्रक्रिया निश्‍चित आहे. कोणी एक व्यक्ती, नेता उमेदवार ठरवत नाही. सामूहिक प्रक्रियेतून निवड केली जाते. मंडल स्तरापासून संसदीय मंडळापर्यंत याबाबत चर्चा होते. या निवड मंडळामध्ये महिला, दलित, मागासवर्गीय अशा सर्वच घटकांचे प्रतिनिधी असतात. शिवाय, या वेळी आम्ही सर्वेक्षणाचा देखील आधार घेतला. विजयाची खात्री असल्यामुळे इच्छुकांची संख्या जास्त होती तरीही तुलनेने भाजपात कमी बंडखोरी झाली.

(लेखाची पूर्वप्रसिद्धी – लोकमत, 12 फेब्रुवारी 2017)